Tamil – என் உடல் என் உடல்

“இப்படி நடந்தா” பாடல் வரிகள்
ஒரு குழந்தைக்கு நடக்கிறது என்று நீங்கள் சந்தேகிக்கக்கூடிய எந்தவொரு சூழ்நிலைக்கும் ‘What If’ விளையாட்டை பயன்படுத்தலாம். குழந்தைகள் பாதுகாப்பாக வெளியேறுவது எப்படி என்று தெரியாத கடினமான சூழ்நிலைகளுக்கு பதில்களை வழங்க இந்த விளையாட்டைப் பயன்படுத்தவும்.

உதாரணங்கள்…..
1. ஒருவேளை யாராவது கதவைத் தட்டினால், நீங்கள் வீட்டில் தனியாக இருந்தால் என்ன செய்வது? நீங்கள் என்ன செய்ய வேண்டும்!
a) கதவை ஒருபோதும் திறக்க வேண்டாம்
b) அவர்கள் போகவில்லை என்றால் ஒரு அண்டை வீட்டாரையோ அல்லது உறவினரையோ அழைக்கவும்
c) நீங்கள் எந்தவொரு உதவியும் பெற முடியாவிட்டாலோ, மேலும் நீங்கள் பயந்தாலோ உடனே காவல்துறையை அழைக்கவும்.

2. ஒருவேளை ஒரு குழந்தை பராமரிப்பாளர் உங்கள் அந்தரங்க பாகங்களைத் தொட முயற்சிக்கிறார் என்றால் என்ன செய்வது?
a) தொடக்கூடாது என்று சொல்லுங்கள், பிறகு ஒரு பாதுகாப்பான பெரியவர்களிடம் சென்று சொல்லுங்கள்.
b) அவர்கள் உங்களிடம் இதை ரகசியமாக வைக்க சொன்னாலும் வைத்திருக்காதீர்கள்

அந்நியர்களை குழந்தைகளுக்கு விளக்குதல்
ஒரு அந்நியர் என்றால் என்ன என்று ஒரு குழந்தைகளின் குழுவிடம் நீங்கள் கேட்டால் – நீங்கள் 20 வெவ்வேறு பதில்களைப் பெறலாம்:
a) ஒரு அந்நியர் என்பவர் ஒரு கெட்டவன்
b) உங்களை துன்புறுத்தும் ஒருவர்
c) உங்களுக்கு இனிப்பு வழங்கும் ஒருவர்

“அந்நியர்கள்” என்றால் என்ன என்பதில் குழந்தைகள் பல தவறான எண்ணங்களைக் கொண்டுள்ளனர்.
நாம் நம் குழந்தைகளுக்கு கற்பிக்கிறோம்: “அந்நியர்களிடம் பேசாதீர்கள்”
“ஒரு அந்நியருடன் ஒரு காரில் ஏறாதீர்கள்”
“ஒரு அந்நியரிடமிருந்து இனிப்புகளை எடுத்துக் கொள்ளாதீர்கள்”
ஆனால்….நாம் அந்நியர் என்றால் என்ன என்பதை அவர்களுக்கு அடிக்கடி சொல்ல மறந்து விடுகிறோம்.

எனவே முதலில் நாம் குழந்தைகளுக்கு ஒரு அந்நியர் என்றால் என்ன என்று சொல்லிக் கொடுக்க வேண்டும்?
ஒரு அந்நியர் என்பவர் நமக்குத் தெரியாத ஒருவர்!
ஒரு அந்நியர் என்பவர்:
ஒரு ஆண் அல்லது ஒரு பெண், யாரோ வயதானவர் அல்லது இளையவராக இருக்கலாம்
எந்தவொரு நிறம் உடையவர் அல்லது சமூகக் குழுவைச் சேர்ந்த ஒருவராக இருக்கலாம்

எல்லா அந்நியர்களும் கெட்டவர்கள் அல்ல, நீங்கள் விரும்பும் அல்லது நம்பும் ஒருவர் உங்களை ஒரு அந்நியரிடம் அறிமுகப்படுத்தினால் – அந்த அந்நியர் ஒரு நண்பராக ஆகலாம், ஆனால்…. ஒருவேளை நீங்கள் விரும்பும் மற்றும் நம்பும் ஒருவராக அல்லாதவர் உங்களை ஒரு அந்நியரிடம் அறிமுகப்படுத்தினால் நீங்கள் அவர்களிடம் ஒருபோதும் நீங்களாகவே பேச கூடாது.

குழந்தைகள் மற்றும் அவர்களது பெற்றோர்கள் பற்றிய தகவல்கள் இணையத்தில் எளிதாகக் கிடைக்கும் இந்த டிஜிட்டல் யுகத்தில், குழந்தையின் குடும்ப உறுப்பினர்களின் பெயர்களை மக்கள் எளிதாக அறிந்துகொள்ள முடியும், மேலும் அவர்களுடன் செல்ல முயற்சி மற்றும் சூழ்ச்சி செய்து ஏமாற்றலாம். அந்த நபருக்கு அவர்களைப் பற்றி நிறைய விஷயங்கள் தெரிந்திருந்தாலும், அவர்களுக்கு அந்த நபரை தெரியாவிட்டால், அந்த நபர் ஒரு அந்நியர், அதனால் அவர்களுடன் செல்ல வேண்டாம் என்று குழந்தைகளுக்குச் சொல்லுங்கள்.

சில அந்நியர்கள் என்ன பொய் சொல்லலாம் என்பதற்கான உதாரணங்களை குழந்தைகளுக்கு கொடுங்கள், உதாரணமாக:
a) உங்கள் அம்மா தாமதமாக வருவதால் உங்களை பள்ளியில் இருந்து அழைத்து வரும்படி என்னிடம் கேட்டுக் கொண்டார்
b) எனது நாய்க்குட்டி காணாமல் போய்விட்டது, தயவுசெய்து நீங்கள் என்னோடு வந்து அதைத் தேட எனக்கு உதவுங்கள்
c) நான் உங்களுக்கு மிகவும் உற்சாகமான ஒன்றைக் காட்ட விரும்புகிறேன், நான் உங்களை நிச்சயமாக மீண்டும் கொண்டு வந்து விடுகிறேன்

மற்றொரு விதி என்னவென்றால், ஒரு அந்நியரிடமிருந்து பரிசுகளை ஒருபோதும் ஏற்றுக்கொள்ளக்கூடாது – பரிசு எவ்வளவு அழகாக இருந்தாலும் சரி.
அந்த நபருக்கு அவர்களைப் பற்றி நிறைய விஷயங்கள் தெரிந்திருந்தாலும், அவர்களுக்கு அந்த நபரைத் தெரியாவிட்டால், அந்த நபர் ஒரு அந்நியர், அதனால் அவர்களுடன் செல்ல வேண்டாம் என்று குழந்தைகளுக்குச் சொல்லுங்கள்.

புகைப்படம் எடுக்கும் நபர்களைப் பற்றி கலந்து ஆலோசியுங்கள்
தற்போதைய டிஜிட்டல் யுகத்தில், குழந்தைகளின் தகாத புகைப்படங்களை எடுக்க விரும்பும் நபர்களிடமிருந்தும் குழந்தைகளை நாமும் பாதுகாக்க வேண்டும்.
யாராவது உங்களையோ அல்லது உங்கள் அந்தரங்க பாகங்களையோ புகைப்படம் எடுக்க விரும்பினால் அவர்களிடம் எடுக்கக்கூடாது என்று சொல்லுமாறும், பின்னர் ஒரு பாதுகாப்பான பெரியவரிடம் சென்று சொல்லுமாறும் குழந்தைகளுக்கு தயவுசெய்து விளக்குங்கள்!

பாதுகாப்பு உதவிக்குறிப்புகள்:
இந்த உதவிக்குறிப்புகள் குழந்தைகளுக்கு அதிகாரம் கொடுக்கவே தவிர – அவர்களை பயமுறுத்துவதற்கு அல்ல, எனவே தயவுசெய்து இதை நேர்மறையாக கொண்டு செல்லுங்கள்.

ஒரு அந்நியரிடம் பேச வேண்டாம்
ஒரு அந்நியரிடமிருந்து எதையும் வாங்கி கொள்ள வேண்டாம்
ஒரு அந்நியருடன் எங்கும் செல்ல வேண்டாம்
ஒரு அந்நியருடன் ஒரு காரில் ஏற வேண்டாம்
ஒரு அந்நியர் உங்களை ஒரு காரை நோக்கி அழைத்தால் செல்ல வேண்டாம

ஒரு அந்நியர் உங்களை அவர்களுடன் வரும்படி வற்புறுத்த முயன்றால், கத்துங்கள், உங்களால் முடிந்த அளவு சத்தம் செய்யுங்கள் – வேண்டாம் என்று கத்துங்கள் !!!! (குழந்தைகளுடன் இந்த பாதுகாப்பு உதவிக்குறிப்பைச் சொல்லும்போது, கொஞ்சம் வேடிக்கையாக இருங்கள் மற்றும் குழந்தைகளை முடிந்த அளவு சத்தமாக கத்த விடுங்கள்) பிறகு சென்று ஒரு பாதுகாப்பான பெரியவரிடம் சொல்லுங்கள்.

உங்கள் அந்தரங்க பாகங்களை யாராவது தொட முயற்சித்தால், வேண்டாம் என்று கத்துங்கள் !! பிறகு ஒரு பாதுகாப்பான பெரியவரிடம் சென்று சொல்லுங்கள்

உங்களை யாராவது துன்புறுத்த முயற்சித்தால் – வேண்டாம் என்று கத்துங்கள் !! பிறகு ஒரு பாதுகாப்பான பெரியவரிடம் சென்று சொல்லுங்கள்

உங்களுக்கு அசௌகரியத்தை ஏற்படுத்தும் வகையில் யாராவது ஏதாவது செய்தால் – வேண்டாம் என்று கத்துங்கள் !! பிறகு ஒரு பாதுகாப்பான பெரியவரிடம் சென்று சொல்லுங்கள்.

Song Lyrics

“இப்படி நடந்தா” பாடல் வரிகள்

இப்போ நாம “இப்படி நடந்தா” விளையாட்டு விளையாட போறோம்
இந்த கேள்வி பதில்கள் உங்களுக்காக
ஒவ்வொரு முறையும் ஜெயிக்க நினைத்தால்
இதை தான் நீங்க செய்யணும்
வேண்டாம் , னு சொல்லுங்க வேண்டாம்னு சொல்லுங்க   !
பள்ளிக்கு பிறகு
உங்களுக்கு தெரியாத ஒருவர் உங்களை வீட்டில் விடுகிறேன் என்றால்
அவங்க ஒரு புதிய பெரிய காரில் வந்து ” ஹலோ! கார்ல போலாமா? ” னு கேட்டால்

வேண்டாம், உங்களை எனக்கு தெரியாது
உங்களோட நான் போக மாட்டேன்
ஏன்னா எங்கப்பா அம்மா சொல்லி இருக்காங்க
தெரியாதவங்க கூட போக கூடாது! வேண்டாம்! வேண்டாம்னு சொல்லுங்க

சரி, நீங்க வீட்ல இருக்கும் போது
உங்கள கவனிக்க இருக்கும் பணியாள்
உங்களை உடைகளுக்கு கீழே தொட்டால்
நீங்க என்ன செய்யணும்?
வேண்டாம் நீங்க என்னை அங்க தொடக்கூடாது
ஏன்னா அது என் தனியான பாகம்
என் உடம்பு உங்களுடையது அல்ல! வேண்டாம்! வேண்டாம்னு சொல்லுங்க!

இப்போ நாம “இப்படி நடந்தா” விளையாட்டு விளையாட போறோம்
இந்த கேள்வி பதில்கள் உங்களுக்காக
ஒவ்வொரு முறையும் ஜெயிக்க நினைத்தால்
இதை தான் நீங்க செய்யணும்
வேண்டாம் , னு சொல்லுங்க வேண்டாம்னு சொல்லுங்க   !

சரி இப்போ உங்களுக்கு தெரிஞ்ச ஒருத்தர்
நண்பரோ இல்ல சொந்தக்காரரோ
உங்களை தொடவோ துன்புறுத்தவோ முயற்சி பண்ணா
அல்லது உங்களை சங்கடப்படுத்தினா என்ன சொல்வீங்க ?
நீங்க “வேண்டாம்” னு சொல்லணும்!
அப்படி பண்ணாதீங்க
நீங்க செய்வது எனக்கு பிடிக்கல
நீங்க தொடுவது எனக்கு பிடிக்கல
உங்களை எனக்கு பிடிக்கும் ஆனால்
என்னை இப்படி செய்யாதீங்க
ஏன்னா நான் ஒரு சின்ன குழந்தை இல்லையா
அதுனால வேண்டாம் னு சொல்லுங்க  வேண்டாம்னு சொல்லுங்க
வேண்டாம்னு சொல்லுங்க!